Monday, 23 March 2015

Presents +++

March 23, 2015 3 Comments


ဒီနေ့တော့ M.Sc ပြီးလို့ မြန်မာပြည်ပြန်တော့မယ့် အစ်ကိုတစ်ယောက်ဆီကနေ ဒီစာအုပ်လေးကို လက်ဆောင်ရလာခဲ့တယ်...။ ဒီစာအုပ်ကို စထွက်ကတည်းက မြန်မာပြည်မှာ ဝယ်ဖို့စိတ်ကူးခဲ့ပေမယ့် ထွက်ကာစမှာ မဝယ်ဖြစ်လိုက်တာကြောင့် နောက်ပိုင်းကာလတွေမှာ စာအုပ်ဝယ်ဖို့သွားတိုင်း မတွေ့ဖြစ်တာကြောင့် တခုတ်တရမဝယ်ဖြစ်ခဲ့ဘူး..။ အဲဒီလိုနဲ့ပဲ မေ့မေ့ပျောက်ပျောက်ရှိနေရင်းကနေ ဂျပန်ကိုရောက်လာခဲ့ပါတယ်..။

တစ်ရက်က ကျောင်းမှာ မြန်မာနိုင်ငံက researcher တွေနဲ့ ဒီကဆရာတွေနဲ့ ပူးပေါင်းဆောင်ရွက်တဲ့ Project တစ်ခုကနေ Workshop တစ်ခုလုပ်တဲ့အခါ တက်ဖြစ်ခဲ့တယ်...။ အဲဒီမှာ အသက်တော်တော်ကြီးနေပြီး ဆံပင်တွေတစ်ခေါင်းလုံးဖြူနေပြီဖြစ်တဲ့ ဂုဏ်ထူးဆောင်ပါမောက္ခတစ်ဦးလည်းဖြစ်တဲ့ Prof. Ohtsu လည်း လာတက်တာကို တွေ့ခဲ့တယ်...။ Workshop ပြီးလို့ ညပိုင်း Dinner လုပ်တဲ့အခါ စကားစမြည်ပြောဖြစ်ခဲ့ကြပါတယ်...။ ဒီကျောင်းမှာ အရင်ရောက်နှင့်ပြီးသား မြန်မာကျောင်းသူကျောင်းသားတွေ ပြောပြထားတာကြောင့် သူက Letter for Aung San Su Kyi ဆိုတဲ့ စာတွေကိုရေးတဲ့ ဂျပန်စာရေးဆရာမ နိုရီကိုအို့စုရဲ့ အမျိုးသားမှန်း သိထားခဲ့ပြီးဖြစ်ပါတယ်..။

Ohtsu Sensei နဲ့ စကားပြောဖြစ်တဲ့အခါ သူ့အမျိုးသမီးက အဲဒီစာတွေကိုရေးတဲ့ စာရေးဆရာမဖြစ်ကြောင်း၊ အဲဒီစာအုပ်က သူ့အမျိုးသမီးက ဂျပန်လို ရေးထားခဲ့ပေမယ့် မြန်မာဘာသာနဲ့ ဆရာမ မသီတာ (စမ်းချောင်း) ဘာသာပြန်ခဲ့ပြီး မြန်မာလို ပထမဆုံးပုံနှိပ်တဲ့စာအုပ်ဖြစ်ခဲ့ကြောင်း၊ အခုတော့ ဂျပန်လိုရော အင်္ဂလိပ်လိုရော ပုံနှိပ်ထုတ်ဝေတော့မှာဖြစ်ကြောင်း ပြောပြခဲ့ပါတယ်..။ အဲဒါအပြင် သူ့အမျိုးသမီးက လန်ဒန်တက္ကသိုလ်မှာ တိဘက်စာသင်ရင်း မိုက်ကယ်အဲရစ်နဲ့ စတင်ရင်းနှီးခဲ့သူတွေဖြစ်ကြောင်း၊ နောက်ပိုင်းတော့ အောက်စဖို့ဒ်မှာ ဒေါ်အောင်ဆန်းစုကြည်တို့မိသားစုနဲ့ အလွန်ရင်းနှီးတဲ့မိတ်ဆွေတွေဖြစ်သွားခဲ့ကြောင်း ပြောပြခဲ့ပါတယ်..။ ပြီးတော့ သူတို့နေတာက ကျိုတိုမြို့နဲ့လည်းနီးပြီး ဂျပန်နိုင်ငံရဲ့ အထင်ကရနေရာတစ်ခုဖြစ်တဲ့ Biwa lake နားမှာ ရှိတာကြောင့် နွေရာသီတစ်ရက်လောက်တော့ အသားကင်စားရင်း ပျော်ပွဲစားထွက်ရင်း လာလည်ကြဖို့ ကျမတို့မြန်မာကျောင်းသားတွေအားလုံးကို ဖိတ်ခဲ့ပါသေးတယ်..။ နိုရီကိုစံလည်း အဲဒီမှာနေတာကြောင့် ကျမကတော့ သူမကို တွေ့ဖူးချင်စိတ်တစ်ခုတည်းနဲ့ပဲ အဲဒီကို သွားဖို့ ပြင်းပြနေခဲ့ပါတယ်...။

ဒါပေမယ့် တစ်ရက်တော့ နောက်ထပ် Workshop တစ်ခုမှာပဲ မှတ်မှတ်ရရ နိုရီကိုစံနဲ့ ဆုံဖြစ်ခဲ့ပါတယ်...။ မြန်မာတွေနဲ့ပေါင်းလုပ်တဲ့ပွဲဖြစ်တာကြောင့် ငါ့အမျိုးသားက တက်ဖို့ အတင်းတိုက်တွန်းတာနဲ့ ကျိုတိုကိုရောက်လာခဲ့တာလို့ သူမက ရယ်ရင်းပြောပါတယ်..။ မြင်လိုက်တာနဲ့ အေးချမ်းနေတဲ့မျက်နှာနဲ့သူမဟာ ခင်မင်နှစ်လိုဖွယ်ကောင်းလှပါတယ်....။ ဂျပန်ကိုရောက်တာကြာပြီလားဆိုတော့ သိပ်မကြာသေးပါဘူး၊ လပိုင်းလောက်ပဲရှိပါသေးတယ်လို့ ပြန်ဖြေရင်း တွေ့ရတာဝမ်းသာပါတယ်လို့ ဂျပန်လို နှုတ်ဆက်လိုက်တဲ့အခါ ဂျပန်စကားပြောတတ်နေပြီလားလို့ တအံ့တသြမေးလာပါတယ်..။ သိပ်မပြောတတ်သေးဘူး၊ နှုတ်ဆက်ရုံလောက်သာ တတ်သေးတာဆိုတော့ သူမက သဘောတကျ ရယ်ပါတယ်...။ 

ဒီလိုနဲ့ပဲ ကျမလေးစားရတဲ့ အန်တီစုနဲ့ မိတ်ဆွေအရင်းအချာတွေဖြစ်ကြပြီး ချစ်ခင်စရာကောင်းတဲ့ဂျပန်ဇနီးမောင်နှံနဲ့ ခင်မင်ခွင့်ရခဲ့တဲ့အခါ သူမရေးခဲ့တဲ့စာအုပ်ကို ဖတ်ချင်စိတ် ပိုပြင်းပြလာခဲ့ပါတယ်...။ နိုင်ငံရေးတွေ၊ စီးပွားရေးအကြောင်းတွေထက် နိုရီကိုစံရေးတဲ့ အန်တီစုရဲ့ သာမာန်အိမ်ထောင်ရှင်မဘဝကိုလည်း ဖတ်ချင်ခဲ့တယ်လေ.....။
အဲဒီလိုနဲ့ပဲ ဒီနေ့တော့ ဒီစာအုပ်လေးဟာ ကျမဆီကို ဆိုက်ဆိုက်မြိုက်မြိုက်ရောက်လာခဲ့ပါပြီ...။ နောက်တစ်ကြိမ် Ohtsu Sensei နဲ့ တွေ့ဖြစ်တဲ့အခါ ဒီစာအုပ်ကလေးကို ရလာလို့ဖတ်ပြီးခဲ့ပြီလို့ သူ့ကို ပြောနိုင်တော့မှာဖြစ်သလို စာအုပ်ထဲက အကြောင်းအရာအချို့နဲ့ပတ်သက်ပြီးလည်း ဆွေးနွေးပြောဆိုနိုင်တော့မှာဖြစ်ပါတယ်.....။

Friday, 13 March 2015

13th Friday

March 13, 2015 0 Comments


ဒီတစ်နှစ်အတွက် ဒုတိယမြောက် Friday 13 ဟာ မတ်လထဲမှာ တစ်ခါကြုံလာရပါပြီ..။ ဗိုလ်ချုပ်အောင်ဆန်းမွေးနေ့ဖြစ်တဲ့ ဖေဖော်ဝါရီလ ၁၃ ရက်နေ့ဟာလည်း တိုက်တိုက်ဆိုင်ဆိုင် Friday 13 ဖြစ်ခဲ့ပါတယ်။ ဖေဖော်ဝါရီလဟာ ၂၈ ရက်ပဲရှိတဲ့လဖြစ်တာကြောင့် မတ်လထဲမှာ ဒီလိုရက်မျိုး တစ်ခါကြုံဦးမှာပါလားလို့ တွေးနေမိခဲ့သေးတယ်...။
အဲဒါအပြင် နောက်ထပ်တစ်ရက်အဖြစ် နိုဝင်ဘာလ ၁၃ ရက်နေ့မှာ တစ်ခါ ကြုံဦးမှာပါ ..။ အနောက်နိုင်ငံတွေမှာတော့ Friday 13 ကို Black Friday or unlucky day အဖြစ် သတ်မှတ်ကြပါတယ်...။ အဲဒီလိုပဲ တခါတလေ ကျမလည်း မှတ်မှတ်ထင်ထင်ရှိနေတတ်ပြန်တယ်..။ အထူးသဖြင့် ဂျာမနီရောက်ပြီးခါမှ Friday 13 ကို မှတ်မှတ်ရရ စဖြစ်ခဲ့တာပါ ..။ ဟိုအရင်ကတော့ ၁၃ ဂဏန်းကိုသာ မှတ်မှတ်ရရဖြစ်ပြီး မကြိုက်တာကြောင့် အမြဲလို ရှောင်လေ့ရှိပါတယ်..။ ဘာရယ်တော့ မဟုတ်ဘဲ စိတ်ထဲမှာ နံပါတ် ၁၃ ဟာ ကံဆိုးတဲ့ဂဏန်းတစ်ခုလို့ သတ်မှတ်ပြီး ဘာလုပ်လုပ် ၁၃ ကို ရွေးလေ့မရှိပါဘူး...။ ကားလက်မှတ်ဝယ်ရင်တောင် နံပါတ် ၁၃ က လွဲရင် ဘယ်နံပါတ်ဖြစ်ဖြစ် ရပါတယ်လို့ ပြောလေ့ရှိတတ်သူပါ ...။
ဒါတွေကလည်း မှန်တယ်၊ မှားတယ်ဆိုတာထက် လူတွေရဲ့ အစွဲတွေ၊ ယုံကြည်မှုတွေသာ ဖြစ်ပါတယ်..။ ဘာပဲဖြစ်ဖြစ် ကိုယ်ယုံကြည်တဲ့အတိုင်း လုပ်ကိုင်ဆောင်ရွက်တယ်ဆိုတော့လည်း ယုံကြည်ချက်ကြောင့် အမှားတော့ နည်းတာပေါ့ ...။ 
၁၃ အကြောင်းရေးရင်း တိုက်ဆိုင်စွာပဲ အခုပို့စ်က ၂၀၁၅ ခုနှစ်အတွက် ၁၃ ခုမြောက်ပို့စ်ဖြစ်နေလေရဲ့ ..။

Spring is coming ~~~~~
နွေဦးရောက်လာပေမယ့်လည်း ရာသီဥတုက အပူချိန် ၁၀ ဒီဂရီဆဲလ်စီးယပ်စ်အထိ အေးနေဆဲပါ ...။ အချို့ရက်တွေမှာ နှင်းပွင့်လေးတွေ တဖွဲဖွဲကျနေတတ်ပြန်ပါသေးတယ်...။ ရာသီဥတုက အေးနေဆဲဖြစ်တာကြောင့် အုမဲပန်းအချို့သာ ဟိုတစဒီတစပွင့်နေခဲ့ပြီး ချယ်ရီတွေတော့ မပွင့်သေးပါဘူး..။ ပုံမှန်ဆိုရင်တော့ ဒီမြို့လေးမှာ ချယ်ရီတွေဟာ မတ်လကုန် ဒါမှမဟုတ် ဧပြီလဆန်းမှာ ပွင့်လေ့ရှိသတဲ့ ..။ ဧပြီလထဲမှာ ခရီးသွားမှာဖြစ်တာကြောင့် ဒီတစ်နှစ်တော့ ချယ်ရီတွေနဲ့ တွေ့ဖြစ်ပါဦးမလား မသိသေးပါဘူး..။ ပုံမှန် ၀ ကနေ ၃ ဒီဂရီလောက် ရှိနေရာကနေ ၁၀ လောက်အထိ အပူချိန်တက်လာတာကြောင့် နေရတာ သွားရတာတော့ သက်သောင့်သက်သာဖြစ်လာသလို အဝတ်အစားအလွှာတစ်ခုလောက်လည်း ခွာချလို့ ရလာပါပြီ ...။ ဆောင်းတွင်းမှာ ဇီဝဖြစ်စဉ်တွေ ခဏနားထားပြီး အအေးဒဏ်ကို အံကြိတ်ခံနေတဲ့အပင်တွေလည်း နွေဦးရောက်လာပြီဆိုတဲ့အချက်ပြလိုက်တာနဲ့ သူတို့ရဲ့ လုပ်ငန်းဆောင်တာတွေက်ို ချက်ချင်းအကောင်အထည်ဖော်ကြတော့တာပါပဲ ..။ အပင်တိုင်းမှာ ပုရစ်ဖူးတွေ တွေ့နေရပြီး နေရောင်ပြင်းလာတာနဲ့ ချက်ချင်းအပွင့်တွေ ဝေဆာဖို့ အသင့်ဖြစ်နေကြပါပြီ ...။

လူတွေလည်း အတူတူပါပဲ..။ ဆောင်းတွင်းတစ်ခုလုံး ကုပ်ချောင်းချောင်းနဲ့ အဝတ်အစားတွေအထပ်ထပ်ဝတ်ပြီး အေးခဲနေတဲ့ရာသီဥတုထဲမှာ ဖြတ်သန်းလာရာကနေ မြင့်မားစပြုလာတဲ့အပူချိန်ကြောင့် တက်ကြွလန်းဆန်းလာကြပါပြီ..။ အခုမှပဲ ကမ္ဘာလောကကြီးဟာ ပုံမှန်အတိုင်း ပြန်လည်ပတ်သလို ခံစားရကာ နေရောင်အောက်မှာ သွားလာလှုပ်ရှားရတာ ပျော်စရာကောင်းလာပါတယ်...။

ဆောင်းတွင်းမှာ အအေးဒဏ်ကို အံတုဖို့ အရိုးအပြိုင်းပြိုင်းဖြစ်ခဲ့ကြတဲ့အပင်တွေဟာ နွေဦးမှာတော့ ပန်းရောင်စုံပွင့်ဖို့ အဆင်သင့်ဖြစ်နေတာကြောင့် ပန်းတွေအရောင်စုံနဲ့လှပနေတတ်တဲ့ အအေးပိုင်းနိုင်ငံက နွေဦးရာသီကို ကျမက ချစ်တာပါ ...။ ဆောင်းဦးကတော့ သစ်ရွက်အရောင်စုံနဲ့ ကဗျာဆန်ဆန်လှပသလို နွေဦးကလည်း ရောင်စုံပန်းတွေနဲ့ ဝေဆာလှပနေတာကြောင့် ဂျာမနီမှာတုန်းကဆိုရင် နွေဦးရောက်လာတာနဲ့ ကင်မရာတစ်လုံးကိုင်ပြီး ပန်းပွင့်တွေ ဓါတ်ပုံရိုက် မှတ်တမ်းတင်ရတာ အလုပ်တစ်ခုပါပဲ..။ ဒီမှာတော့ အခုချိန်ထိ အပြင်ရယ်လို့ သိပ်မထွက်ဖြစ်ဘဲ စာတွေဖတ်နေရတာနဲ့ တနေ့ပြီးတစ်နေ့ကို ကုန်ဆုံးနေရပါတယ် .....။




Thoughts in those days ~~
အစွဲကင်းပြီး ကျိုးကြောင်းဆီလျော်မှုရှိစွာ ပိုင်းခြားဝေဖန်နိုင်မှုဟာ လူတိုင်းအတွက် အရေးကြီးလှပါတယ် ...။ ပညာရည်မပြည့်ဝမှုဟာ အကြောင်းအရာတစ်ခုကို ကောက်ချက်ချရာမှာ အမှားဘက်ကို ရာခိုင်နှုန်းအနည်းနဲ့အများ ချဉ်းကပ်သွားနိုင်ပါတယ်...။ ကိုယ်လိုချင်တဲ့ ရည်မှန်းချက်ကို တိတိကျကျ ချမှတ်မထားရုံမက ကိုယ်တိုင်က ဘာဖြစ်ချင်လို့ ဖြစ်ချင်မှန်းမသိသူဟာ ဘေးပတ်ဝန်းကျင်ရဲ့ လွှမ်းမိုးမှုကို ခံရတတ်ကာ မိမိကိုယ်နဲ့ သူများစ်ိတ်ဖြစ်သွားတတ်ပါတယ်..။

Follow Us @soratemplates