Sunday, 26 May 2013

## လမ်းခွဲခြင်းသီအိုရီ ##

May 26, 2013 3 Comments


 *********************
လမ်းခွဲခြင်းတစ်ခုမှာ ……………
ကောင်မလေး  ။ “နင့်ကို ငါ့ဘ၀ထဲက ဘယ်လို ထုတ်ပစ်နိုင်ပါ့မလဲ …။ ငါ့ဘေးနားက အရာရာက အားလုံးနီးပါး နင်နဲ့ပတ်သက်နေတယ်….။
ဆင်တူဝယ်ထားတဲ့ Handset, key chain ပြီးတော့ ဆင်တူအကျီင်္လေးတွေ… နင်ပို့ပေးနေကျ အမှတ်တရ ကဒ်ကလေးတွေ… အမြတ်တနိုးနဲ့ နင်ဝယ်ပေးထားးတဲ့ အရုပ်တွေ … နင့်လက်ရေးနဲ့ရေးထားတဲ့ စာအိတ်ပေါင်းများစွာ….. တူတူလျှောက်ဖူးတဲ့လမ်းတွေ … စားခဲ့ဖူးတဲ့ဆိုင်တွေ … သွားခဲ့ဖူးတဲ့နေရာတွေ ………..
ဒီအမှတ်တရတွေ ငါ့ဘေးနားမှာ ရှိနေသရွေ့ …… ငါ နင့်ကို ဘယ်လို မေ့ပစ်နိုင်ပါ့မလဲဟင် ?????”

ကောင်လေး    ။ “အမှတ်တရပစ္စည်းတွေဆိုတာ ဖျောက်ဖျက်ပစ်လိုက်ရင် ပျက်စီးသွားတာပါပဲ ….။ အဲဒါတွေ ပျက်စီးသွားခဲ့ပြီဆိုရင်တောင်မှ ……… ချစ်ခဲ့ဖူးတယ်ဆိုတဲ့အမှန်တရားက ….. မင်းကို ငါ့နှလုံးသားထဲက ထွက်သွားခွင့်မပေးခဲ့ဘူး…..။
ငါ့အတွေးထဲမှာ …. မင်းရှိနေသမျှတော့ ……. ငါအသက်ရှင်နေသရွေ့ မင်းကို မေ့ပစ်ဖို့ဆိုတာ ဘယ်လိုမှ မဖြစ်နိုင်ဘူးလေ …”
++++++++++++++++++++++++++++++++

ဘယ်လိုပဲဖြစ်ဖြစ် …….. ရှေးရေစက်မပါတဲ့ အချစ်တစ်ခုကတော့ ဆုံဆည်းခွင့်ဆိုတာ ဘယ်လိုမှ မျှော်လင့်ခွင့်မရှိတဲ့ မိုးပေါ်က ကြယ်တစ်ပွင့်လိုပဲ ။
ရင်ထဲမှာ တစ်စုံတစ်ယောက်ကို အမြဲထည့်ထားပြီး သူ့နဲ့ထာဝရအဝေးမှာ ရပ်တည်ရတာလောက် စိတ်ပင်ပန်းမှုမျိုးရှိမှာမဟုတ်ပါဘူး….။
ဘယ်လိုလမ်းခွဲမှုမျိုးမှာပဲဖြစ်ဖြစ် …. ကျန်ခဲ့တဲ့သူရော.. ချန်ထားရစ်သူပါ …. ဒဏ်ရာတွေ ဗရပွနဲ့ပါပဲ … ။ အပေါ်ယံဟန်ဆောင်မှုတစ်ချို့နဲ့ ရင်ထဲက ဒဏ်ရာတွေကို ၀ှက်ထားတတ်ကြပေမယ့် ….. အချိန်တော်တော်ကြာ ပတ်သက်ခဲ့ဖူးတဲ့ သံယောဇဉ်ဆိုတာ လူတစ်ယောက်ကို လွယ်လွယ်မေ့ပစ်နိုင်လောက်အောင် အခွင့်အရေးမပေးတတ်ဘူး ……။

အသေးအဖွဲပြဿနာလေးတွေအတွက်နဲ့တော့ လမ်းခွဲဖို့ဆိုတဲ့စကားကို လွယ်လွယ်မပြောသင့်ပါဘူး…။ ဒါပေမယ့်လည်း အချိန်တွေအကြာကြီးယူပြီး ဖြစ်တည်လာတဲ့သံယောဇဉ်ဆိုတာ …… တစ်ရက်ကလေးနဲ့ ပြတ်တောက်သွားလောက်အောင် ဆုံးဖြတ်ချက်တွေ မှားတတ်ကြတယ်…။ သံသယတွေ ၀င်တတ်ကြတယ်..။ အဲလိုနဲ့ပဲ မထင်မှတ်ထားဘဲ … တစ်သက်လုံးမဆုံနိုင်လောက်အောင် လမ်းခွဲကြရတတ်တယ် …။ နောက်ဆုံးတော့ ……. တစ်စုံတစ်ယောက်ကို ထာဝရသတိရနေရင်းနဲ့ပဲ … နောင်တဆိုတာ တစ်သက်လုံးအတွက် အဖော်ဖြစ်လာခဲ့တတ်တယ်…။ လွမ်းလိုက်တာ လို့ပြောခွင့်မရှိတော့တဲ့ ကိုယ်စီဘ၀တွေမှာ … မေ့မရခြင်းက ကြီးစိုးလာခဲ့သလို… သတိရခြင်းတွေပဲ လွှမ်းမိုးလာတတ်တယ်….။ 

ဆုပ်ကိုင်မိပြီးမှ ပြန်လွှတ်လိုက်ရတဲ့ လက်တစ်စုံက ဘယ်လောက်တောင် ထိရှခံစားရမလဲဆိုတာ ကြိုတွေးမိခဲ့မယ်ဆိုရင် လမ်းခွဲမယ်ဆိုတဲ့ စကားကို လွယ်လွယ်ပြောထွက်ကြမှာ မဟုတ်ပါဘူး …။

===========+===================

Wednesday, 8 May 2013

♥ ♥ မောင်နဲ့ကျွန်မ ♥ ♥

May 08, 2013 5 Comments


မောင်နဲ့ကျမ….
မာယာများတဲ့လောကအလယ် ….
ရှုပ်ထွေးလှတဲ့အဖြစ်အပျက်တွေကြားမှာ ………
ရိုးစင်းစွာ……. တွေ့ခဲ့ကြတယ်…………..။
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

မောင်နဲ့ကျမ …………
ဆန်းပြားတဲ့စရိုက်တွေကြားက
အပေးအယူများလှတဲ့ အပေါ်ယံဟန်ဆောင်မှုတွေထဲ ………
ရယူလိုမှုမရှိတဲ့ ဖြူစင်တဲ့ခင်မင်မှုတွေ ရစ်ပတ်ခဲ့ကြတယ်……………။
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

မောင်နဲ့ကျမ ………
အတ္တတွေကြားက ဂုဏ်ပကာသနတွေကြားမှာ ……
ပြိုင်ဆိုင်မှုဆိုတာကို မေ့ထားလို့ ……..
နားလည်မှုတွေ တည်ဆောက်ခဲ့ကြတယ်…………။
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

မောင်နဲ့ကျမ …………..
ဓနငွေကြေးတွေ တိုင်းတာတတ်တဲ့ အသိုင်းအ၀ိုင်းထဲ
ကျော်ကြားမှုတွေ လုယက်နေတဲ့ ပတ်ဝန်းကျင်မှာ
ရိုးသားတဲ့ ချစ်ခြင်းတစ်ခုကို ရှာဖွေခဲ့ကြတယ် …………။

♥ ♫ ♥ ♫ ♥ ♫

မောင့်အတွက်ရေးတဲ့ ကဗျာတွေတိုင်းမှာ
အချစ်တွေပဲပါသလို ……..
ကျမအတွက်ဆိုဖြစ်တဲ့ သီချင်းတွေတိုင်းမှာ …..
မြတ်နိုးခြင်းတွေပါသတဲ့ ……..။
♥ ♫ ♥ ♫ ♥ ♫

မောင်နဲ့ကျမ …………
မရေရာသေးတဲ့အနာဂတ်အတွက် ………
ယုံကြည်မှုတစ်ခုကို ဆုပ်ကိုင်လို့ ………………
ပန်းခင်းလမ်းတစ်ခုကို အတူလျှောက်လှမ်းဖို့ ……..
ဆူးခင်းထားတဲ့ လမ်းကြမ်းတွေကို
ကိုယ်စီလျှောက်နေကြဆဲ   …………….။
♥ ♫ ♥ ♫ ♥ ♫ ♥ ♫ ♥ ♫ ♥ ♫ ♥ ♫

Follow Us @soratemplates